حبر ينساب على بياض ورق http://cbu-1.maktoobblog.com براءة وعفوية و بساطة Sat, 27 Jun 2009 15:22:30 +0000 http://wordpress.org/?v=2.6.5 en نهاية مدونتى http://cbu-1.maktoobblog.com/1227671/%d9%86%d9%87%d8%a7%d9%8a%d8%a9-%d9%85%d8%af%d9%88%d9%86%d8%aa%d9%89/ http://cbu-1.maktoobblog.com/1227671/%d9%86%d9%87%d8%a7%d9%8a%d8%a9-%d9%85%d8%af%d9%88%d9%86%d8%aa%d9%89/#comments Sat, 27 Jun 2009 15:22:30 +0000 نور الحياه http://cbu-1.maktoobblog.com/?p=1227671 بسم الله الرحمن الرحيم

السلام عليكم و رحمة الله

بشكر كل انسان علق على مدونتى او حتى علق عليها بس

انا نور الحياه

اختكم فى الله سابقا

السن 16 سنة حاليا

وبدأتها فى سن ال14

وللاسف مكنتش مهتمة بمدونتى اوى فى البداية

اهتميت بيها لفترة قصيرة جدا الصيف اللى فات

والادراج الاخير كان ناجح جدا

كنت فاكرة انه هيبقى البداية

 

طلعت بداية النهاية

 

انشغلت بدراستى عن المدونة وبعتذر لكل اللى زعلوا منى على تقصيرى معاهم انا اسفة

ومش هقدر اكمل ف المدونة دى ولا حتى ف الاجازة

حبر ينساب على بياض ورق..بقيت ذكرى..مجرد ذكرى

للاسف

لو موتت محدش هيعرفكم انى موتت

بس يللا هتاخدنى الحياه زى ما بتاخدنا كلنا

 

انا الحمد لله تمام وكويسة وداخلة على ثانوية عامة السنة الجاية ان شاء الله

 

وهتوحشونى اوى..اوى

 

وبحبكم

 

وهرجع لطى النسيان

]]> http://cbu-1.maktoobblog.com/1227671/%d9%86%d9%87%d8%a7%d9%8a%d8%a9-%d9%85%d8%af%d9%88%d9%86%d8%aa%d9%89/feed/ عازفة الكمان http://cbu-1.maktoobblog.com/1227670/%d8%b9%d8%a7%d8%b2%d9%81%d8%a9-%d8%a7%d9%84%d9%83%d9%85%d8%a7%d9%86/ http://cbu-1.maktoobblog.com/1227670/%d8%b9%d8%a7%d8%b2%d9%81%d8%a9-%d8%a7%d9%84%d9%83%d9%85%d8%a7%d9%86/#comments Wed, 13 Aug 2008 18:49:00 +0000 نور الحياه http://cbu-1.maktoobblog.com/1227670/%d8%b9%d8%a7%d8%b2%d9%81%d8%a9-%d8%a7%d9%84%d9%83%d9%85%d8%a7%d9%86/ بسم الله الرحمن الرحيم

السلام عليكم و رحمة الله

يا جماعة انا قررت انو بدل ما اكتب بالاسلوب البسيط بتاعى وباللغة العامية قررت انى اكتب باللغة العربية وباسلوب ادبى

عازفة الكمان

فى حفل المدرسة أجلس تلميذة بين الجمهور.تنطق معلمتى المتحمسة لى باسمى الثلاثى بصوت يشع بالفخر والتشجيع . تنظر على عينى . تشرق  شموس بسمتها لتبعث بنورها حرارة الشجاعة فى نفسى.لكن عينى اللتى لم تستوعب كم ضوء ثغرها تنغلق وتنزوى بحثا عن الظلام . كم اخجل الاضواء!

ينظر الجمبع لى فى انتظار صعودى على خشبة المسرح . اسير بين الجماهير الناظرة لى . يمزقنى الخجل من تواجدى وسط تلك الحشود و هم ينتظرون عزفى لهم . اصل الى الخشبة . تعلو تصفيقاتهم خلفى . لا اريد أن انظر فى عيون الجماهير . يتملكنى الخوف ويمزقنى الخجل . لكن معلمتى البيضاء المشرقة المشمسة تعطينى الكمان بيديها والأمان بعينيها . تملؤنى بأجمل مشاعر الاطمئنان والتشجيع والثقة بنظرتها . وكانت نقطة الانطلاق بسمتها الهادئة تدعو لى

اسير ناظرة للارض هربا من العيون الى منتصف خشبة المسرح تماما

أضم الكمان على كتفى وتنام راسى عليه واغمض عيونى بكل أمان واطمئنان.أبدأ العزف على الاوتار . تائهة أنا مع حلمى فى حلمى. تتمايل العصا الشفافة بحنان على الوتر و كأن العصا يد حنونة تمسح على شعر الكمان . والكمان بصوته يشدو بأنشودة عرفان ومحبة لفرط طربه من حنان العصا الشفافة.يطربها بملحمته من أعماق إحساسه فى سيمفونية صادقة من صميم قلبى تلامس القلوب

كم اعشق الكمان ذاته بكل شئ فيه ملموس أو محسوس أو مسموع او مرء . وبصفة خاصة هذا الكمان الصغير الذى اعانقه كطفل . اقبله بقلبى من قلبى . احتضنه وانام.

دفء حضنى له يتغنى به الكمان البرئ لحن حنون يغفو فيطير بارواحنا إلى بطون السماء التى تبطن تناسم الارواح وتناغمها على نغم وتر الكمان ما أروعه لو تغنت على عذوبته اناشيد تموج وتغرق فى حب الله!

بلمس عصاى لاوتار الكمان  احسه يسبح الله بتنهيد يزفر بالخشوع وعين تفيض بالدموع . من

صميم قلب الكمان

كل شئ يسبح الله من حولنا بشكل لا نحسه

الا انى اشعر بالكمان تحت عصاى قد باح بتسبيحه لله  

بالله عليك أيها الكمان : أأنت بكل تلك المشاعر ورغم ذلك لست بانسان ؟؟

أكل هذه الرقة فى جماد وبعض البشر قلبه حجر صوان ؟؟

أأنت بكل هذا الخشوع والبشر من بعد الطفولة اجتثت من عيونهم البراءة والدموع ؟؟

  تصافح العصا أوتار الكمان برفق و إلى اللقاء

انتهى العزف الذى كنت تائهة فيه وكأننى احلم من فرط توهتى بين اوتارى …اسمع تصفيق الجمهور

  افتح عيونى على غرق فى بحر دموع تحملها عينى وتأبى القاءها .يعلو تصفيق الجماهير .اراهم يبتسمون لى

اخرج الكمان من رفق حضنى . امسك بيده واسلمه لمعلمتى

تبتسم معلمتى الحبيبة لى بحماس وفخر بى . الا انها فوجئت بلمعة دمعة فى عينى . اندهشت ومازالت بقايا البسمة على وجهها

ألملم دموعى واخفيها فى جفونى بالنظر الى الارض هاربة من عيون معلمتى وانزل من على الخشبة وسط التصفيق والتهليل . امضى بين الجماهير . ارحل من نفحة حلمى و فنى و اضوائى . اعود إلى الكرسى حيثما كنت . لانصت الى الفقرة التالية . انتهى دورى وبدا دور غيرى.استعراض موهبة غيرى.حلم غيرى

 

((طبعا الخاطرة دى من وحى الخيال بس))

]]> http://cbu-1.maktoobblog.com/1227670/%d8%b9%d8%a7%d8%b2%d9%81%d8%a9-%d8%a7%d9%84%d9%83%d9%85%d8%a7%d9%86/feed/ جدو حولان يا مسعودى http://cbu-1.maktoobblog.com/1204127/%d8%ac%d8%af%d9%88-%d8%ad%d9%88%d9%84%d8%a7%d9%86-%d9%8a%d8%a7-%d9%85%d8%b3%d8%b9%d9%88%d8%af%d9%89/ http://cbu-1.maktoobblog.com/1204127/%d8%ac%d8%af%d9%88-%d8%ad%d9%88%d9%84%d8%a7%d9%86-%d9%8a%d8%a7-%d9%85%d8%b3%d8%b9%d9%88%d8%af%d9%89/#comments Sun, 03 Aug 2008 19:55:00 +0000 نور الحياه http://cbu-1.maktoobblog.com/1204127/%d8%ac%d8%af%d9%88-%d8%ad%d9%88%d9%84%d8%a7%d9%86-%d9%8a%d8%a7-%d9%85%d8%b3%d8%b9%d9%88%d8%af%d9%89/ بسم الله الرحمن الرحيم

السلام عليكم

الرسول عليه الصلاة والسلام كان بيقول ان فيه حاجة فى البنى ادم لو صلحت صلح الجسد كله

الحاجة دى القلب

بتضمه فى صدرك لانه مصدر احساسك بربنا

قلبك بينبض انسانية

قلبك هو مصدر احساسك بيضخ دمك عشان حب ربنا يجرى ف دمك طول مانتا عايش

انسانيتك واحساسك هما اللى بيخلوك تخاف ربنا وتتقيه و تحبه
 
واحد استاذ فى الجامعة مرة خرج يصطاد

جه يرفع السلاح على حمل

لقى الجمل كدا فى عينيه نظرة استعطاف كانه بيترجاه وبيقوله ارجوك اوعى تقتلنى

اهو الاستاذ الجامعى طالما حس بكدا يبقى عنده قلب

انا لما باشوف بالصدفة منظر البارود بحس بنفور منه..بحسه شئ عنيف 

حتى لو كان البارود دا بيصطادوا بيه حمام

الانسان اللى معندوش قلب بيبقى كل شئ بالنسة له عادى..عادى اوى

انما لو عندك قلب يبقى هتحس بقيمة كل شئ .. حتى الحزن هتستحلاه..حتى الدمعة هتنزل تروى نفسك براحة جميلة

كونك انسان عندك قلب فدا بيحسسك بقيمة حاجات كتير ممكن مايكونلهاش قيمة

فاكرين عود الريحان بتاعى؟؟

دا عود ريحان انا قطفته من المدرسة الاعدادية بتاعتنا وشيلته معايا ذكرى

اهو دا بالنسبة لى اغلى من الدهب..لان له ذكرى

انما اصحابى لما يمسكو عود ريحان زى دا بيشموه شوية ويرموه ياعينى

مش حاسين بقيمته

مرة اتاملت صورى فى مراحل عمرية محتلفة

صورتى وانا عندى 3 سنين

و صورتى وانا فى الابتدائية

وصورة جديدة ليا

يااااااااه على صورتى وانا عندى 3 سنين

وشى كان فيه معانى كتير

كان وشى يدخل القلب بسرعة وعينيا بريئة وفيها حبة شقاوة اطفال

اما صورتى وانا فى الاعدادية

كنت تشوفنى تقول دى غلبااااااااانة وسفيفة

ملامحى باهتة ونظرتى مكسورة

دنا معرفتش نفسى لما بصيت فى الصورة دى

بالمناسبة فيه وشوش كتير بحس ان فيها معانى جميلة بتتجلى فى عيونهم وابتساماتهم

معانى تشوفها بقلبك

زى الاطفال مثلا تشوف فى عينيهم سعادة غامرة وخيال واسع وبراءة وصفاء

وضحكتهم كدا تشرح القلب 

منى زكى مثلا..ملامحها فيها كل معانى الرقة اللى فى الدنيا

عينيها و شكلها وصوتها وطريقة كلامها بيتلونوا بالوان الرقة وبيرسموا قدامك ملاك من ملايكة البشر وبيجسدوا معنى الطيبة

انا باحس ان الوشوش اللى فيها معانى احسن من الوشوش الحلوة

ربنا خالقلك قلب عشان تحبه بيه

وخالقلك سما فوقك عشان تغطيك وتحميك وتضلل عليك

وخلق تحتك ارض تحسها قوية وصلبة تسندك وتخاف عليك

وخلق شمس تنور طريقك

وقمر يزين سماك فى عز كحل سما الليل عشان يعرفك انه حتى فى اعماق المأساة تلاقى ضوء يبدد ظلامه

اجمل شئ انك تحس ان لك فى كل الثنايا مرقد نومك..فى كل شروق منظر تتأمله ..فى كل قلم تنطلق صرخة احساسك

]]> http://cbu-1.maktoobblog.com/1204127/%d8%ac%d8%af%d9%88-%d8%ad%d9%88%d9%84%d8%a7%d9%86-%d9%8a%d8%a7-%d9%85%d8%b3%d8%b9%d9%88%d8%af%d9%89/feed/ هحول دموع الزهرة لقطرات ندى http://cbu-1.maktoobblog.com/1174316/%d9%87%d8%ad%d9%88%d9%84-%d8%af%d9%85%d9%88%d8%b9-%d8%a7%d9%84%d8%b2%d9%87%d8%b1%d8%a9-%d9%84%d9%82%d8%b7%d8%b1%d8%a7%d8%aa-%d9%86%d8%af%d9%89/ http://cbu-1.maktoobblog.com/1174316/%d9%87%d8%ad%d9%88%d9%84-%d8%af%d9%85%d9%88%d8%b9-%d8%a7%d9%84%d8%b2%d9%87%d8%b1%d8%a9-%d9%84%d9%82%d8%b7%d8%b1%d8%a7%d8%aa-%d9%86%d8%af%d9%89/#comments Tue, 22 Jul 2008 15:48:00 +0000 نور الحياه http://cbu-1.maktoobblog.com/1174316/%d9%87%d8%ad%d9%88%d9%84-%d8%af%d9%85%d9%88%d8%b9-%d8%a7%d9%84%d8%b2%d9%87%d8%b1%d8%a9-%d9%84%d9%82%d8%b7%d8%b1%d8%a7%d8%aa-%d9%86%d8%af%d9%89/ بسم الله الرحمن الرحيم

السلام عليكم

وبعد غياب

زى الرياح تتراحل من هنا لهناك ومن تانى تعود لبلدها و بحرها

برجع تانى لركن صغير مهم فى قلبى

مدونتى

بتدور العاتية بعيوننا تلف ونلف معاها نطوف ونشوف الكون والعالم و الدنيا نضحك عاللى فيها ونبتسم لحياتنا الجميلة تبتسم لنا وندور ويا الكون ونلف وكاننا بنرقص فى احتفال نحس بالكون والكون حاضننا بيحس بينا

لكن..

ليه من بين ملامح الجمال دموع ؟؟؟

ليه كل قلم..احيانا بينزف؟؟

انا لسة نبتة جديدة ربنا انعم عليا بالنضارة والطفولة

اقدر افتح زهور الجمال بكل بهجة بقلمى الصغير

واحول دموعها لقطرات ندى

همسك ريشتى والون الكون زى ما انا عايزة

النسيم بلون العنبر

السماء باصفى زرقة

وبلاش سحاب عشان السما تبقى صافية

لا لا لا لا السحاب بيزين السما بجد..هلون السحاب بالابيض

وهلون كل القلوب بالابيض

والنيل باللون الفيروزى الجذاب الممتع اللذيذ

والزرع بالاخضر المبهج

والورد بـ100 لون زاهى كل لون بـ100 درجة ودرجة

الف بريشتى واحن بيها على جدران الدنيا وادور بمرح ونشاط واستمتاع وكإنى برقص باليه

واقف بين الجدران وابص للسما وارفع راسى بفرحة انجازى

واغنى اقول (آه)

آهة فرحة انجاز

آهة احساس

آهة تملا الكون يسمعها كل الناس

آهة منطلقة من اعماق وجدانى

تنطلق بين جدران فنى والوانى

آهة يرقص معاها زلزال يهز الشر ويدفنه

آهة تغنى معاها العصافير وتسبح سبحان الله

ونفضل بعيوننا نتفرج عالموج ونتبعه بنظراتنا البريئة فى طريقه لدوامته..دوامته كإنها بيته وسكنه

ونمشى ورا العبير يوصلنا للورد الرقيق نرعاه تحمر خدوده

وكلنا نحب الحياه

]]> http://cbu-1.maktoobblog.com/1174316/%d9%87%d8%ad%d9%88%d9%84-%d8%af%d9%85%d9%88%d8%b9-%d8%a7%d9%84%d8%b2%d9%87%d8%b1%d8%a9-%d9%84%d9%82%d8%b7%d8%b1%d8%a7%d8%aa-%d9%86%d8%af%d9%89/feed/ ريحة ريحان http://cbu-1.maktoobblog.com/922111/%d8%b1%d9%8a%d8%ad%d8%a9-%d8%b1%d9%8a%d8%ad%d8%a7%d9%86/ http://cbu-1.maktoobblog.com/922111/%d8%b1%d9%8a%d8%ad%d8%a9-%d8%b1%d9%8a%d8%ad%d8%a7%d9%86/#comments Tue, 01 Apr 2008 13:55:00 +0000 نور الحياه http://cbu-1.maktoobblog.com/922111/%d8%b1%d9%8a%d8%ad%d8%a9-%d8%b1%d9%8a%d8%ad%d8%a7%d9%86/ بسم الله الرحمن الرحيم

السلام عليكم

ريحة ريحان تملا المكان لكن المكان جنينة مدرستنا والزمان فى لحظة من عمرنا ورياح الربيع تطيح بريحة الريحان و تتوه وسط النسيم تسافر لكن الريحان ريحته فيه

دى حتة مقدمة كدا عشان كل اللى يخش يقول ايييييييه الحلااااااااوة دىىىى

انا دلوقتى فى 3 اعدادى..وفاضل اسبوع و اغيب عن المدرسة ومش هروح غير فى الامتحانات ان شاء الله

انا وصحابى هنتفرق فينا اللى تروح تمريض واللى تروح دبلوم فنى واللى تروح ثانوى

 زمان لما كنت فى اولى اعدادى كنت الاقى فى اواخر السنة طلبة سنة تالتة بيحضنوا بعض ويبوسوا بعض وابقى مستغربة

بس انا مليش صحاب كتير..هما اتنين بس اللى بكلمهم واتنين مش بكلمهم كتير بس هنكون فىم درسة وحدة ان شاء الله وحدة الاولى ع المدرسة وصاحبتها طالعة التانية..وكمان فى بنت بنروح مع بعض ونيجى مع بعض عشان من نفس طريقى…فهيبقى الفراق مش صعب اوى عشان مليش صحاب كتير

________

بلاش حكايت 14 سنة دى عشان انا خلاص كملت 15

فى مرة كنت بكلم وحدة صحبتى كانت بتقولى عندك كم سنة

قلتلها 15

قالتلى بحب السن دا..حلو

*حسيت بقيمة سنى لازم اعيش كل لحظة فيه مش هرحمه ..فعلا سن 16 او 17 بيبقى الواحد عامل زى الحيطة ومش بيقدر يلعب زى دلوقتى

ـــــــــــــــــــــــــــــــــــ

فيه ناس كتير بتقول انها مش مرتاحة فى المرحلة العمرية من12-18 دى وان الطفولة احلى

انما انا شايفة ان مرحلتى العمرية جميلة

لان فيها تطور فكرى ونمو ذاتى..الشخصية بتتكون والميول بتظهر والمواهب تلمع

يعنى انا مثلا وانا طفلة..مكنتش بتأمل ولا اسرح..مكنتش بكتب الخواطر ولا ارسم نفسى وارسم الطبيعة

بقيت انسانة بمعنى الكلمة من الناحية النفسية

ومستوايا الدراسى كمان بئا احسن الحمد لله

كمان ظهر التمرد..انا غلبااااااااانة دا تمرد صحبتاتى البناتيت عالمدرسين..بقيوايشتموا عالمدرسين من وراهم ويقولو اسمهم كدا منغير القاب ومش بينضربوا ويردوا عالمدرسين ويغيظوهم ويندسو زى الفئران تحت الديسك يضحكوا عليهم ويجيبوا صور تامر حسنى معانا المدرسة واحيانا احمد عز..انا طبعا ببقى متغاظة مش لانهم بيخالفوا قوانين المدرسة..ببقى متغاظة عشان مبحبش تامر ولا احمد عز

هههههههههههااااااى

__________________________

لازم لما امشى من اعدادى اخد معايا اى حاجة للذكرى احتفظ بيها عشان لما اكبر امسح بيها دموعى وافتكرها..او اخبى بيها ضحكتى اللى بضحك فيها على ذكرياتى وقفشاتى

افتكرت مدرسة الرسم بتاعت ابتدائى اللى كانت بتقولنا ان عند كل مناسبة تجيب وردة وتحطها فى كتابها وتحتفظ بيها

اتعلمت دا من جناينى الجامعة لما كانت فى الكلية..ادعوله بالصحة لو كان عايش او الرحمة لو كان ميت

المس وصتنا ندعيله

فأنا دايما كنت الاقى زميلتى اللى بروح البيت معاها بتقطف ريحان المدرسة لما نطلع من المدرسة

كان بيصعب عليا الريحان..نبات بتموته عشان تشتم ريحته واول ما يدبل ترميه

دا كائن حى

 انما دلوقتى بفكر اقطف عود ريحان من هناك واحتفظ بيه بين احضان كتابى

يكسر وحشته وترابه اللى هيتكون ويتكوم اكوام عليه فى المستقبل ان شاء الله

نفسى تكون اول واخر مرة اموت نبات

توبة يا دموعى

هتكون ذكرى جميلة عطرة..هحضنا منا حضنى يكفى ذكريات 100 سنة ويساع من الحبايب والعدوين الاف

قد ايه حاجات بسيطة بحتفظ بيها حتى لو ملهاش ذكرى..من وانا صغيرة كل ما الاق حاجة صغنونة وخفيفة ومميزة نوعا ما بشيلها عندى

ان شا الله تكون خرزة مقطوعة من بدلة

وعود الريحان دا اللى ياما تغنوا له شعراء الريف وتماوجت انغامهم على الاذان تسكر وتسحر بعتبره اغلا من الماس

ومش انا بس..الشعرا كمان والرسامين

غيرنا بيشوفنا بنقدر حاجات ملهاش قيمة بيستهزئ بينا واحنا بنعتبره متبلد الاحساس

نفسى اسال سؤال؟؟

ليه فى تكريم الاوائل بيعطوهم هدايا اقلام او ميداليات او او

ليه مش بيجيبولهم هدايا رقيقة.. ورد مثلا

اشمعنا احنا فى عيد الام نجيب للمديرة ورد؟؟

ــــــــــــــــــــــــــــــ

معلش مدونتى مفيهاش مظاهر جمال كتير انا كتباها يا دوب هنا

]]> http://cbu-1.maktoobblog.com/922111/%d8%b1%d9%8a%d8%ad%d8%a9-%d8%b1%d9%8a%d8%ad%d8%a7%d9%86/feed/ تحت المطررر http://cbu-1.maktoobblog.com/798791/%d8%aa%d8%ad%d8%aa-%d8%a7%d9%84%d9%85%d8%b7%d8%b1%d8%b1%d8%b1/ http://cbu-1.maktoobblog.com/798791/%d8%aa%d8%ad%d8%aa-%d8%a7%d9%84%d9%85%d8%b7%d8%b1%d8%b1%d8%b1/#comments Fri, 01 Feb 2008 14:48:00 +0000 نور الحياه http://cbu-1.maktoobblog.com/798791/%d8%aa%d8%ad%d8%aa-%d8%a7%d9%84%d9%85%d8%b7%d8%b1%d8%b1%d8%b1/ بسم الله الرحمن الرحيم

السلام عليكم

ورجعنا بعد غياااااب

الجو فى مصر كان متقلب

رب يسااااعد

يعنى توتر وامتحان و برد و مطر احمدك يااااااااااارب

كنت باحب البررررد

ونفسى الدنيا تمطر تلج

وكل الناس لامتنى على حبى للبرد واستهزئت منى

انما حبيبتكم خيال مآتة مبيهمهاش الاستهزاء

المهم..الدنيا فى مصر مابتمطرش تلج وكمان انا فى الصعيد مطرنا قطرات ندى او سيول والعياذ بالله يا ساتر يارب

لكن ماما شافت مرة التلج بيمطر..قالتلى التلج بيخبط فى الازاز ويكسره

سالتها سؤال طفولى برئ:اشمعنا الكرتون مافيهوش التلج بيخبط فى الازاز..فى الكرتون التلج بيمطر عادى

كان حلمى تمطر تلج تأثرا بافلام الكرتون الاوروبية ومش فى بالى كمية البرد لكن كان فى بالى صفاء التلج و رعشة القلب

و فى يوم صحيت..اتزلزلت من البرد..إيه دا؟دى حتى مفيش مطر..امال لو مطرت تلج اعمل ايه و شوية دفيت وكملت طريق الدفا لاخر نقطة فى خط اليوم

تانى يوم كان اجازة من الامتحان..ارتحت فيه من برد اللى قبله واستمعت فى احضان الدفا اللى محستش بيه الا لما فقدته

..تانى يوم..مكنش البرد مفاجأة

بئا تعود..كان البرد يرعشنى ويهزنى هزة الضاحك وسط زهور السعادة

رحت اسلم على نسمتى الباردة صديقة عمرى من اول يوم دراسى بارد فى اولى ابتدائى.اقبلت عليها احضنها بين كفوفى لقيت الندى ملازمها.بعودة يا ندى .من وسط ضباب الصبحية الباردة والمطر.لمحت وش مدور برئ عليه البسمة.انا فاكرة الوش دا انا شفتو قبل كدة كتير.لكن الوش بئا اصفى وانضج

عيون البسمة ركزت فى عيونى.

اه صح!!

انا اللى شكلى اتغير

افتكرنى الوش رغم تغير شكلى.نطقت شفايف البسمة:ازيك

عرفت الوش!!

دى صحبتى اية اللى كانت معايا فى ابتدائى و فارقتها من 3 سنين لانها راحت مدرسة اعدادى غير بتاعتى

مر شريط الافكار دى على عقلى خلال اقل من الثانية 

: رديت على الفور

ازيك انتى

سبت الوش هو اللى يبدا بالسلام لانى تاملت فيه بصمت خوف لاكون توهت فى العنوان

لان الوش اتغير..بئا وش انسة شيك

لقيت جنبها وش عرفته علطول باااااارضه غيره الزمن.سلمنا وبس! ما سالتش ! مانطقتش! ماكنش عندى حاجة اقولها ! كل منا كمل طريقو سلام يا صديقاتى .

كنت بهرب من المطر  المفاجئ لحدقبل المظلة بشوية(المظلة اللى هيا سقف اللجنة طبعا..قضا اخف من قضى)قبل المظلة بشوية كالعادة .تفائلت زى ما امرنا الرسول صلى الله عليه وسلم بالمطر واستحليت المطر وافتكرت قول الشاعر

هواياتى صغيرة**واهتماماتى صغيرة

وطموحى ان امشى**ساعات معك

تحت المطر

صحيح مكنتش ماشية انا وحد من اصحابى.كنت ماشية لوحدة تحت المطر لكن انا خاطرتى هى صديقتى وتأملى هو رفيقى ومتونسة بيهم رغن ماشية وحدى

الاغنية كلمات ولحن وصوت ماجدة الرومى يحسسوك بلسعة برد لذيذة ترد كيانك و مشاعرك الرقيقة وتهز احساسك وتهزك من جذورك يانبات راسخ

و وصلت للمظلة ولزقت تحتها امتحنننن

بعد ساعتين خلص الامتحان..خرجت يللا وسط هوا ربنا .مشيت.قابلت.حكيت.ضحكت.

وفى حتة قابلت اتنين صحابى..غير الاولانيين اللى مشفتهمش من 3 سنين

دول بئا بشوفهم علطول..عبارة عن بسمتين طيبين دايما يحولونى من انسانة الى بسمة .لقيت المطر اشتد.البسمات بقت ضحكات.جريت الاسرع رغم هدوئى المعتاد .حاولوا اصحابى والضحكات يسبقونى او حتى يوصلولى. انطلقت زى الخيل.فى الجرى والمزاح والضحك والكلام

بسبق الريح عشان اوصل لمظلتى هروبا من المطر.مكنش هروب لكنه كان فرصة للانطلاق وحجة للجرى.والتنطيط والطيران بجناحات التلقائية بطير واحلق واتمنى ما اوصلش للمظلة وافضل اصول واجول تحت المطر

ايه يعنى مطر؟مطر محافظتى قطرات ندى..المطر الحقيقى فى العاصمة القاهرة..والمطر الاحق فى اوروبا .الحمد لله عالجو المناسب الجميل دا

احمد عكاشة اكبر دكتور نفسى فى مصر بيقول ان فيه ناس بتقعد على جبل تلج وهى لابسة خفيف ومع ذلك دفيانة

السبب قوة الارادة.

يللا بذلت جهد مضنى فى المدونة دى عشان تطلع باحسن صورة               

]]> http://cbu-1.maktoobblog.com/798791/%d8%aa%d8%ad%d8%aa-%d8%a7%d9%84%d9%85%d8%b7%d8%b1%d8%b1%d8%b1/feed/ ذكريات جميلة http://cbu-1.maktoobblog.com/582218/%d8%b0%d9%83%d8%b1%d9%8a%d8%a7%d8%aa-%d8%ac%d9%85%d9%8a%d9%84%d8%a9/ http://cbu-1.maktoobblog.com/582218/%d8%b0%d9%83%d8%b1%d9%8a%d8%a7%d8%aa-%d8%ac%d9%85%d9%8a%d9%84%d8%a9/#comments Fri, 19 Oct 2007 18:55:00 +0000 نور الحياه http://cbu-1.maktoobblog.com/582218/%d8%b0%d9%83%d8%b1%d9%8a%d8%a7%d8%aa-%d8%ac%d9%85%d9%8a%d9%84%d8%a9/ بسم الله الرحمن الرحيم

 

السلام عليكم ورحمة الله و بركاته

 

الظاهر مواضيعى كلها والله اعلم هتبقى فلسفية و حالمة..يللا مش مهم 

 

تعرفوا ان اكثر الناس تأملا و سرحانا و احلام هما الناس اللى دمهم خفيف ومرحين والناس بتحس انهم مابيحسوش من كتر ماهم بيمزحوا

 

ماعلينا

متخشى فى الموضوع علطول لحسن اضربك بمطوة

خلاص خلاص هخوش اهو بس بالراحة عليا

 

 

ذكرياتـــ..ــــ

كل انسان له ذكريا حلوة وذكريات كدابة

ذكريات كدابة والاشواق كدابة

ذكريا ت عشنا فيها دوبنا فيها م العذاب 

الذكريات الوحشة مش موضوعنا

 

خلينا فى الحلوة

بتحبها؟

ـــــــــــــــــــــــــــ 

اكيد

احساسك ناحيتها ايه-*

ــــــــــــــــــــــــــــــــــــــــــــــــــــــــــــــــــــــــــ

 

بالنسبالى رغم ان عمرى 14 سنة ونص بس لكن ليا زكريات وليت الشباب يعود يوما وكل دا

 

12 قبل كدة على سن

كان احساسى ناحيت الزكريات الجميلة هى انى زعلانة اوى من رحيلها

وكنت بعيط كمان

بغمض عينى بحس الذكريات دى قدامى كتاب مفتوح لو لمستها ممكن ارجع لها تانى

مجرد ما المسها الاقيها تبعد فى المدى وتختفى

وتضيع من ايدى 

عشان ارجع اعيط تانى

 طفلة عفوية مش كدة؟؟

يمكن

انما دلوقتى بقيت بفتكر الزكريات

 

بتبسم و اتقوقع فى عالمى الخاص

 

كرتى الارضية الوردية الطفولية الخيالية الذكرياتية

 

بحس بالحنين..والحنان

 بحب الذكريات اوى وبحضنها

بحضنها زى الدبدوب قبل ما انام

كمان الحنان دا مش حاجة صعبة المنال

ساعات تبقى قاعد لوحدك وتحس بالحنان

حنان ربنا عليك من مجرد نسمة باردة صافية تمر على وشك 

شعور جميييييييل

ياترى ايه اكتر حاجة بتفكرك بذكريات زمان الجميلة؟

ــــــــــــــــــــــــــــــــــــــــــــــــــــــــــــــــــــــــ

 

انا بالنسبالى الاغانى

 

""فاكرك يا ناسينى..بعدك على عينى

""شلبية جارتى عاملة جلابية بارتى كاملة الكل معزوم فيها م الاسد للنملة

ومين حبيبى انا ردى عليى وقول""

""قلبى عشقها والعيون هويتها واهلها مايرضون وكل ماشتاق اليها اروح واسال عليها

عواليا نجوما فى الليل..عوالياااا عوالياااا..عوالى من سهر نى بعد..الغالية عواليا""

على بالى على بالى حبيبى عل بالى""

على بالى على بالة

ابن بلدى على بالى""

لايامصرى لا لا لا والف لا

تهجر بلدك وتسيبنا

بلدك بيك اولى

"ياشمس غيبى فى بحور القلوب

"روحى لحبيبى فى زحام الغروب

 

دى زكريات الطفولة القديمة اوى////

 

لكن فى زكريات اجدد شوية

  اخبارك ايه حبيبى طمنى عليك حبيبى""

""لما انتا شارينى ودايب ياعينى بتعملى ناسينى ليه؟؟

علم قلبى الغرام كلمنى احلى الكلام عيش معاية فى الاحلام""

وفيه مساسلات رمضان

 

وانتا عامل ايه""

مبسوط والا ايه

والدنيا لزيزة معاك

""وبتضحك والا ايه

 

""تتغير الاشياء

مرة رحيل وفراق

مرة لقا واشواق

ماهى فى النهاية سواء""

ظلمت او مظلوم

مين البرئ فينا؟

اخر الذنوب توبة

و م السموم ترياق""

 

ياااااااااااااااااااااااااااااااااااااه

دا الواحد عنده اغانى لها زكريات للصبح

 

بتحب طفولتك؟

ــــــــــــــــــــــــــــــ

كانت سعيدة؟

ــــــــــــــــــــــــــــــ

انا طفولتى ماكانتش سعيدة اوى بس انا بستحلاها وبحن لها

بحسها سعيدة لمجرد انها طفولتى

بحس ان اى حد بيحب طفولته حتى لو كان عايشها فى كهف ضلمة

بيحن لها وبتوحشه اكيد

انا ظروف طفولتى مش اوى بس بحنلها

فى التسعينات كان الواحد طفل بيلعب و بيهيص ويغنى

فى الالفينات فى الدباية الواحد يرجع م المدرسة يزاكر شوية صغيرين ويلعب بقية اليوم

حاجات جميلة

 

انما اليومين دول اعدادى ومزاكرة كترت والمدرسة اغلب اليوم وكدة

 

فكرت وقلت

طيب بعد كام سنة  ان شاء الله..ايه اللى هيفكرنى بسنة 2007 وزكريات اعدادى

ايه الاغنية اللى هفتكرها هقول ياسلام على ايام 2007 وزكريات 2007 

 

بصيت

لقيت هيثم نبيل كان كلامى!!!

وهيثم نبيل-يافراق!!!!

!!!!!!!!!!!!!!!!!!!!!!!!!!!!!!!!!!!!!!!!!!

 

هوة انتا طالعلى فى البخت يا هيثم يا بن نبيل؟؟؟

دا انا كنت بسمعه اكتر من مرة فى اليوم..وفى الاجازة ماكانش وراية غيره

تصوره كان بيجيلى فى الحلم كمان؟؟؟

حاجة تزهق

هههههههههههههههه

و تامر قال فى اغنية ريح بالك:

"بكرة الايام تعدى تضحك وتقول مش معقول انا كنت باعمل كدة"

انا حاسة و الله اعلم انى هضحك و اقول شوفوا لما كنت فى 2007 كنت عاملة ازاى

دا انا شكلى هضحك من قلبى اوى دا انا صحبتى الانتيم  (سحر مصطفى بتاعت مدونة اضحك مع تويتى )دعت علي هيثم نبيل فى العشرة الاواخر من رمضان عشان جننى

بس الحمد لله رحت مصحة واتعالجت بس ادعى عليه من قلبك يا سوسووو

 

وانتم.. 

بتحبوا الذكريات؟

احساسكم ناحيتها بالحنين والنشوة عند تذكرها والا زعلانين من غيابها؟

ايه اللى بيفكرك بالذكريات..الاغانى برضه؟؟؟

بتحب طفولتك؟؟

كانت سعيدة؟؟

اتمنى

]]> http://cbu-1.maktoobblog.com/582218/%d8%b0%d9%83%d8%b1%d9%8a%d8%a7%d8%aa-%d8%ac%d9%85%d9%8a%d9%84%d8%a9/feed/ قلب طفل نونو..رجاء الدخول للحالمين واصحاب المشاعر الرقيقة بصفة خاصة..والعاديين كمان http://cbu-1.maktoobblog.com/533132/%d9%82%d9%84%d8%a8-%d8%b7%d9%81%d9%84-%d9%86%d9%88%d9%86%d9%88%d8%b1%d8%ac%d8%a7%d8%a1-%d8%a7%d9%84%d8%af%d8%ae%d9%88%d9%84-%d9%84%d9%84%d8%ad%d8%a7%d9%84%d9%85%d9%8a%d9%86-%d9%88%d8%a7%d8%b5%d8%ad/ http://cbu-1.maktoobblog.com/533132/%d9%82%d9%84%d8%a8-%d8%b7%d9%81%d9%84-%d9%86%d9%88%d9%86%d9%88%d8%b1%d8%ac%d8%a7%d8%a1-%d8%a7%d9%84%d8%af%d8%ae%d9%88%d9%84-%d9%84%d9%84%d8%ad%d8%a7%d9%84%d9%85%d9%8a%d9%86-%d9%88%d8%a7%d8%b5%d8%ad/#comments Fri, 21 Sep 2007 21:58:00 +0000 نور الحياه http://cbu-1.maktoobblog.com/533132/%d9%82%d9%84%d8%a8-%d8%b7%d9%81%d9%84-%d9%86%d9%88%d9%86%d9%88%d8%b1%d8%ac%d8%a7%d8%a1-%d8%a7%d9%84%d8%af%d8%ae%d9%88%d9%84-%d9%84%d9%84%d8%ad%d8%a7%d9%84%d9%85%d9%8a%d9%86-%d9%88%d8%a7%d8%b5%d8%ad/ بسم الله الرحمن الرحيم

السلام عليكم و رحمة الله و بركاته

عارفين الطفل؟؟

بيبقى صفحة بيضا كدة لسة ميعرفش حاجة عن الحياه

لسة قلبه صافى

مش هقولكم مابيكرهش ومابيحقدش ومابيحسدش

لكن انا قصدى انو بيكون اقل حاجة بتفرحو

مجرد ما شاف امه يضحك

مجرد جابوله اى حاجة بتلمع ينبهر

يجيبوله حاجة لونها احمر يلتفت

دايما وشه فيه نضارة

والناس كلها بتدلعه

لكن اقل حاجة دموعه تنزل

شاف اتنين بيتخانقوا بيخاف

وهكذا

ياترى هل انتا كدة

ولا لما بييجى العيد مثلا بنقول وإيه يعنى طب ما كل سنة فيه اكتر من عيد

اى حاجة تحصل لاقدر الله..وايه يعنى

احنا نحسنا

وبنشغل مشاهد الحروب واحنا بناكل..ايه يعنى دول العراق وفلسطين مش قرايبنا

كل حاجة وايه يعنى

كل حاجة من دول لها ميزة وعيب

ميزة اننا نقول وايه يعنى اننا مبنزعلش اوى..مبننصدمش اوى

وميزة قلب الطفل ان احنا لو قلبنا قلب طفل بنفرح من اقل حاجة

ممكن كمان نكون بنزعل وبنحس ونتأثر..بس مبنعرفش نفرح

ودى المصيبة الكبرى

تفتكر الحل ايه للمصيبة الكبرى

وكمان اللى قلبه قلب طفل كمان مش مبسوط

لان نفسه ميتاثرش وميزعلش من اقل حاجة

المرتاح هو اللى بيعرف ازاى يفرح..ومع ذلك من كتر الحزن مبقاش الحزن يفرق معاه

ياترى المرتاح دا موجود؟؟

انا شايفة انه موجود..ماتقولوش انى متفائلة

فعلا انا اعرف ناس كدة

]]> http://cbu-1.maktoobblog.com/533132/%d9%82%d9%84%d8%a8-%d8%b7%d9%81%d9%84-%d9%86%d9%88%d9%86%d9%88%d8%b1%d8%ac%d8%a7%d8%a1-%d8%a7%d9%84%d8%af%d8%ae%d9%88%d9%84-%d9%84%d9%84%d8%ad%d8%a7%d9%84%d9%85%d9%8a%d9%86-%d9%88%d8%a7%d8%b5%d8%ad/feed/ بتعمل ايه للتخلص من حزنك..ممكن لو زعلان تخوش وتتعلم http://cbu-1.maktoobblog.com/533074/%d8%a8%d8%aa%d8%b9%d9%85%d9%84-%d8%a7%d9%8a%d9%87-%d9%84%d9%84%d8%aa%d8%ae%d9%84%d8%b5-%d9%85%d9%86-%d8%ad%d8%b2%d9%86%d9%83%d9%85%d9%85%d9%83%d9%86-%d9%84%d9%88-%d8%b2%d8%b9%d9%84%d8%a7%d9%86/ http://cbu-1.maktoobblog.com/533074/%d8%a8%d8%aa%d8%b9%d9%85%d9%84-%d8%a7%d9%8a%d9%87-%d9%84%d9%84%d8%aa%d8%ae%d9%84%d8%b5-%d9%85%d9%86-%d8%ad%d8%b2%d9%86%d9%83%d9%85%d9%85%d9%83%d9%86-%d9%84%d9%88-%d8%b2%d8%b9%d9%84%d8%a7%d9%86/#comments Fri, 21 Sep 2007 21:36:00 +0000 نور الحياه http://cbu-1.maktoobblog.com/533074/%d8%a8%d8%aa%d8%b9%d9%85%d9%84-%d8%a7%d9%8a%d9%87-%d9%84%d9%84%d8%aa%d8%ae%d9%84%d8%b5-%d9%85%d9%86-%d8%ad%d8%b2%d9%86%d9%83%d9%85%d9%85%d9%83%d9%86-%d9%84%d9%88-%d8%b2%d8%b9%d9%84%d8%a7%d9%86/ بسم الله الرحمن الرحيم

السلام عليكم و رحمة الله و بركاته

دا مش موضوع دينى بس دا دعاء

اللهم انا نعوذ بك من الهم والحزن

 

نبتدى فى الموضوع

مين فينا مبيزعلش من المشاكل

 مين فينا مبيزعلش من غير سبب

ياترى لما بتزعل بتعمل ايه؟؟

 

انا لما بزعل من غير سبب ببقى عايزة اعيط واصرخ من غير ماحد يمنعنى

اكيد فيه ناس مبتزعلش من غير سبب..بس اصل سنى طبيعته فيها تقلبات نفسية

ولما بزعل بسبب مش عارفة احله

قدامى الصلاة والتعبد..ربنا احن عليا من امى

وطبعا بتبقى فرصة دهبية عشان اعيط وانا بصلى واخشع لاننا بطبيعتنا بنفتكر ربنا عند المشاكل

بحس بنوع فظيع من السكينة كانى فى الجنة..بحس بجمال الدنيا اللى انا فيها.بحس ببرودة النسيم

وعشان الموضوع ميتقلبش دينى

ممكن كمان غير العبادة اسمع موسيقى

موسيقى اللى هيا موسيقى من غير اغانى

 

بحب اسمع الجيتار والكمان..بيحسسونى كأن فيه حد بيواسينى..كأن العازف بيقولى الدنيا لسة فيها خير..متزعليش

كمان الجيتار بيحسسنى ان انا نايمة على رمال شاطئ هادىىى مافيهوش الا الموسيقى الهادية

وكمان بحب آلة البيانو لانها .آلة رقيقة وراقية

بالنسبى للاغانى بئا برضو بتخطر على بالى الاغانى الهادية

اما بئا لما ابقى زعلانة اوى ممكن اشغل اغانى سريعة

مش عارفة ليه الاغان بتحتل حزء من حياتنا شئنا ام ابينا

وانتم؟؟

]]> http://cbu-1.maktoobblog.com/533074/%d8%a8%d8%aa%d8%b9%d9%85%d9%84-%d8%a7%d9%8a%d9%87-%d9%84%d9%84%d8%aa%d8%ae%d9%84%d8%b5-%d9%85%d9%86-%d8%ad%d8%b2%d9%86%d9%83%d9%85%d9%85%d9%83%d9%86-%d9%84%d9%88-%d8%b2%d8%b9%d9%84%d8%a7%d9%86/feed/