بسم الله الرحمن الرحيم
السلام عليكم ورحمة الله و بركاته
الظاهر مواضيعى كلها والله اعلم هتبقى فلسفية و حالمة..يللا مش مهم
تعرفوا ان اكثر الناس تأملا و سرحانا و احلام هما الناس اللى دمهم خفيف ومرحين والناس بتحس انهم مابيحسوش من كتر ماهم بيمزحوا
ماعلينا
متخشى فى الموضوع علطول لحسن اضربك بمطوة
خلاص خلاص هخوش اهو بس بالراحة عليا
ذكرياتـــ..ــــ
كل انسان له ذكريا حلوة وذكريات كدابة
ذكريات كدابة والاشواق كدابة
ذكريا ت عشنا فيها دوبنا فيها م العذاب
الذكريات الوحشة مش موضوعنا
خلينا فى الحلوة
بتحبها؟
ـــــــــــــــــــــــــــ
اكيد
احساسك ناحيتها ايه-*
ــــــــــــــــــــــــــــــــــــــــــــــــــــــــــــــــــــــــــ
بالنسبالى رغم ان عمرى 14 سنة ونص بس لكن ليا زكريات وليت الشباب يعود يوما وكل دا
12 قبل كدة على سن
كان احساسى ناحيت الزكريات الجميلة هى انى زعلانة اوى من رحيلها
وكنت بعيط كمان
بغمض عينى بحس الذكريات دى قدامى كتاب مفتوح لو لمستها ممكن ارجع لها تانى
مجرد ما المسها الاقيها تبعد فى المدى وتختفى
وتضيع من ايدى
عشان ارجع اعيط تانى
طفلة عفوية مش كدة؟؟
يمكن
انما دلوقتى بقيت بفتكر الزكريات
بتبسم و اتقوقع فى عالمى الخاص
كرتى الارضية الوردية الطفولية الخيالية الذكرياتية
بحس بالحنين..والحنان
بحب الذكريات اوى وبحضنها
بحضنها زى الدبدوب قبل ما انام
كمان الحنان دا مش حاجة صعبة المنال
ساعات تبقى قاعد لوحدك وتحس بالحنان
حنان ربنا عليك من مجرد نسمة باردة صافية تمر على وشك
شعور جميييييييل
ياترى ايه اكتر حاجة بتفكرك بذكريات زمان الجميلة؟
ــــــــــــــــــــــــــــــــــــــــــــــــــــــــــــــــــــــــ
انا بالنسبالى الاغانى
""فاكرك يا ناسينى..بعدك على عينى
""شلبية جارتى عاملة جلابية بارتى كاملة الكل معزوم فيها م الاسد للنملة
ومين حبيبى انا ردى عليى وقول""
""قلبى عشقها والعيون هويتها واهلها مايرضون وكل ماشتاق اليها اروح واسال عليها
عواليا نجوما فى الليل..عوالياااا عوالياااا..عوالى من سهر نى بعد..الغالية عواليا""
على بالى على بالى حبيبى عل بالى""
على بالى على بالة
ابن بلدى على بالى""
لايامصرى لا لا لا والف لا
تهجر بلدك وتسيبنا
بلدك بيك اولى
"ياشمس غيبى فى بحور القلوب
"روحى لحبيبى فى زحام الغروب
دى زكريات الطفولة القديمة اوى////
لكن فى زكريات اجدد شوية
اخبارك ايه حبيبى طمنى عليك حبيبى""
""لما انتا شارينى ودايب ياعينى بتعملى ناسينى ليه؟؟
علم قلبى الغرام كلمنى احلى الكلام عيش معاية فى الاحلام""
وفيه مساسلات رمضان
وانتا عامل ايه""
مبسوط والا ايه
والدنيا لزيزة معاك
""وبتضحك والا ايه
""تتغير الاشياء
مرة رحيل وفراق
مرة لقا واشواق
ماهى فى النهاية سواء""
ظلمت او مظلوم
مين البرئ فينا؟
اخر الذنوب توبة
و م السموم ترياق""
ياااااااااااااااااااااااااااااااااااااه
دا الواحد عنده اغانى لها زكريات للصبح
بتحب طفولتك؟
ــــــــــــــــــــــــــــــ
كانت سعيدة؟
ــــــــــــــــــــــــــــــ
انا طفولتى ماكانتش سعيدة اوى بس انا بستحلاها وبحن لها
بحسها سعيدة لمجرد انها طفولتى
بحس ان اى حد بيحب طفولته حتى لو كان عايشها فى كهف ضلمة
بيحن لها وبتوحشه اكيد
انا ظروف طفولتى مش اوى بس بحنلها
فى التسعينات كان الواحد طفل بيلعب و بيهيص ويغنى
فى الالفينات فى الدباية الواحد يرجع م المدرسة يزاكر شوية صغيرين ويلعب بقية اليوم
حاجات جميلة
انما اليومين دول اعدادى ومزاكرة كترت والمدرسة اغلب اليوم وكدة
فكرت وقلت
طيب بعد كام سنة ان شاء الله..ايه اللى هيفكرنى بسنة 2007 وزكريات اعدادى
ايه الاغنية اللى هفتكرها هقول ياسلام على ايام 2007 وزكريات 2007
بصيت
لقيت هيثم نبيل كان كلامى!!!
وهيثم نبيل-يافراق!!!!
!!!!!!!!!!!!!!!!!!!!!!!!!!!!!!!!!!!!!!!!!!
هوة انتا طالعلى فى البخت يا هيثم يا بن نبيل؟؟؟
دا انا كنت بسمعه اكتر من مرة فى اليوم..وفى الاجازة ماكانش وراية غيره
تصوره كان بيجيلى فى الحلم كمان؟؟؟
حاجة تزهق
هههههههههههههههه
و تامر قال فى اغنية ريح بالك:
"بكرة الايام تعدى تضحك وتقول مش معقول انا كنت باعمل كدة"
انا حاسة و الله اعلم انى هضحك و اقول شوفوا لما كنت فى 2007 كنت عاملة ازاى
دا انا شكلى هضحك من قلبى اوى دا انا صحبتى الانتيم (سحر مصطفى بتاعت مدونة اضحك مع تويتى )دعت علي هيثم نبيل فى العشرة الاواخر من رمضان عشان جننى
بس الحمد لله رحت مصحة واتعالجت بس ادعى عليه من قلبك يا سوسووو
وانتم..
بتحبوا الذكريات؟
احساسكم ناحيتها بالحنين والنشوة عند تذكرها والا زعلانين من غيابها؟
ايه اللى بيفكرك بالذكريات..الاغانى برضه؟؟؟
بتحب طفولتك؟؟
كانت سعيدة؟؟
اتمنى
كتبها نور الحياه في 06:55 مساءً ::
وعليكم السلام ورحمة الله وبركاتة...........
اولا أحب أزحلق التماسى....
موضوعك جميل جداااااااااااااااا جدااااااااااااا
حلو أنك تسألى نفسك وتجاوبى عليها............عجبتنى
اما عن زكرياتى أنا بحبها....ولكن الزكريات الوحشة زى مقولتى مش موضوعنا
أنا بحس أتجاهها بلحنين وانشوة.... ولما أفتكرها أقول أمت الزمن يرجع تانى
دة أنا كنت هعمل حاجات كتير....بس للاسف مرت ..... زى النسمة
بس زمان الواحد كان بيتمنى يكبر بسرعة...لكن بد ما كبر ...عاوز يرجع تانى
غريبة الدنيا دى
بس عارفة أول ما بسمع أغانى زمان ....بحس ان قلبى بينبض بسرعة...
معلش حسستك ان عندى 100 سنة .........ما علينا
أما عن طفولتى ....الحمد لله كانت جميلة
مكنش فيها هموم ومشاكل
خيال فى خيال ...براءة ...صافية
بس الحمد لله على كل حاجة
معلش طولت عليكى
سلام عليكم ابنتى الحبيبة
جميلة أنت ..لكن الأغاني التى اخترتيها ربما كانت أكبر من عمرك قليلاً..
كلماتك جميلة وعفوية وتلقائية..أحببتها..
شكراً لزيارتك وجزاك الله خيراً حبيبتى الصغيرة
اشكرك حبيبتي عالزياة
وانتي يابنتي استوديوا اغاني
كل دا ذكرياااااات ياااااااااااه كتير جدا على عمرك ياروحي
انا مع دكتورة حنان
في الي قالته .......
وفعلا كلماتك عفوية بتدل على روحك الحلوة
صباحك عسل ياعسولة
بحبكم خالص عشان مشاعركم الرقيقة
استمرى فى طريقك بساطتك وصدقك متفردين
غير مسطنعين
وفقك الله والى الامام دائما
سلامى...
اختي التي لا نعرف اسما لها سوى الاخوة
بالفعل دمك خفيف وكلماتك بسيطة وعفوية ولعلني احب هذا النوع من الناس
وفقك الله عزيزتي وحبب بك كل خلقه
لك ودي وتقديري
ههههههههه
مش معقووووووووووووول
والله مدونة روووووووعة بروعة صاحبتها
يا رب اسعدها يا رب
فعلا مت ضحك .. يعني مش مت مت
كدت أموت
بس الله ستر
ههههههههههه
سأزورك
وياااا كثر الأوسمة اللي باهديها لك
اخاف تقولي كفاية بس انا مليييييييت منك
اخوك
البسيط
عبادي
salut يا كتكوته
يعني 3 اعداي او اولي ثانوي بالكتير اولي
بس حلوه قوي الخطوه اللي عملتيها دي
اخير لقيت بنات صغيرات مهتمات بالكتابه اكتر من منتديات الاغاني والشات
مستني زيارتك لي وترك تعليق ولو من سطر واحد حتي اتمكن من متابعه مدونتك وسط الالاف من المدونات
باريس بتسلم عليكم
وخصوصا petit rue
حتلاقي الشارع دا علي جوجل ايرث
تحياتي
والله دي حاجة جميلة قوي أنك عندك 14 سنه
مع أن كلامك سبحان الله مش من عمرك أبدا
ما علينا مش مهم.
صفحة الادراج كانت عطلانة عندي
والخبر مهم
وكان لازم أنشرة وأنتي كنتي معلقة عندي
يعني تعرفيني وتعرفي كتاباتي
ولأنك تعرفي كتاباتي تبقي تعرفي مريم
وعشان تبقي مثقفة يا حبيبتي
دوري في محرك البحث
وأتعرفي علي مين مريم دي
وأكيد هتفرق كتير في حياتك .
وعموما براحنك ممكن تلغي
التعليق دا كمان
أوك .
مش هلغى التعليق دا يا سالى لانه يخدم مدونتى
من اجل محابة هذه السرقات
من اجل الوقوف بجوار المظلوم
من اجل الدفاع عن الحق
من اجل محابة الفساد والمفسديين
من اجل حماية التدوين والمدونين
من اجل اسس تدوينية سليمة تحافظ على مجتمعنا وتعمل على رفعته
من اجل ومن اجل ومن اجل
الكثير والكثير
كانت دعوتنا لتاسيس الاتحاد
ارجو التفاعل معنا
وزيارة المدونة وابداء الراى فيما هو مطروح من ميثاق ولائحة وخلافة
ينتظرنا الكثير والكثير
فى انتظاركم والى لقاء قريب لكم كل التحية والتقدير
مدونة جميلة و صاحبتها اجمل
لكى ودى و محبتى و تمنياتى الطيبة
دمتى بالف خير عزيزتى
ناديه
اختي الصغننه والحبيبة والمبدعة ( اختكم في الله)
كل عام وأنتم بخير .....
كل عام وأنتم لله أقرب ....
كل عام وأمتنا العربية والإسلامية أقوى ...
كل عام وانتي الخير لكل عام
انا معجبة بكي جدا جدا برغم انك صغننه لكن مبدعه بجد واستخدامك للكلمات جميل ربنا يحفظك ويوفقك دائما للخيرات وللمزيد من النجاح والابداع باذن الله
انا اتشرفت بيكي جدا واعتبرني من الان من قرائك الدائمين لتميزك حبيبتي
متشكرة جدا علي معيادتك الرقيقة وكل سنه وانت محققة كل احلامك وطموحاتك وامانيكي بالخير ان شاء الله
تحياتي وعيد اضحي سعيد
حبيبتي واختي الصغرى ...
انا لي الشرف في التعرف على ابداعاتك الناشئة واتمنى لك المزيد من الابداع والتقدم ...
ولك مني كل التحية والاحترام ..وكل عام وانت بخير وسعادة ..
ههههههههههه
السلام عليكم انتي بتذكري هيثم نبيل في المدونات برضو . انا زهقتو اوي يا حبيبتي بس عشانك انا خلاص حبطل احكي عليه انو مجنون اوي ربنا يعينك يا سحر ههههههههههه
والله معاها حق تكرهو
بس والله ذكرياتك حلوة اوي
صديقتي اختكم في الله
اسمحيلي ان اعطيك لقب صديقتي الصغيره
على الرغم من صغر سنك
الا ان عواطفك الناضجه في رومانسيه بريئه جداا
دعتني اليك والى مدونتك
اشكرك لانك اول من علق على مدونتي المتواضعه
في اول يوم لي بمدوناتي
وسرعة بديهتك في معرفة مااريد ان اصل اليه من خلال مدونتي
اشكرك على تعبيرك الصادق واشكرك على برائتك النادره
واتمنى ان اراك دوما واستمتع بقرائة تعليقاتك في مدونتي ودمتي صغيرتي بذكرياتك الجميله
اختك فلووونه السعوديه
روعة شيء مميز رغم صغر السن الا انه تنبع منك تلك الاحاسيس الشجية والاقوال الجميلة الناضجة
ارجو ان تتابعي عطاءك وفنك لتصلي لاعلى الرتب ان شاء الله
كلمات وتعبيرات رائعة مع بعض الفلسفة الخفيفة الدم
شكرا اختنا في الله
ازيك اختنا كلنا عاملة ايه يا بت يا عسولة يا صغيورة؟ انتي خليتيني اعيط لما قريتلك النهاردة مش عليكي عليا لانك 14 ونص وحسستيني انك بتخلصي وذكريات انتي من جيل التسعينيات انا من جيل التمانينات اعمل ايه؟ طبعا كل سنة اسوا عادة من اللي قبلها ده طبيعي خلي بالك عيشي سنك تحياتي ليكي