الاسم: نور الحياه 
بسم الله الرحمن الرحيم
السلام عليكم و رحمة الله و بركاته
عارفين الطفل؟؟
بيبقى صفحة بيضا كدة لسة ميعرفش حاجة عن الحياه
لسة قلبه صافى
مش هقولكم مابيكرهش ومابيحقدش ومابيحسدش
لكن انا قصدى انو بيكون اقل حاجة بتفرحو
مجرد ما شاف امه يضحك
مجرد جابوله اى حاجة بتلمع ينبهر
يجيبوله حاجة لونها احمر يلتفت
دايما وشه فيه نضارة
والناس كلها بتدلعه
لكن اقل حاجة دموعه تنزل
شاف اتنين بيتخانقوا بيخاف
وهكذا
ياترى هل انتا كدة
ولا لما بييجى العيد مثلا بنقول وإيه يعنى طب ما كل سنة فيه اكتر من عيد
اى حاجة تحصل لاقدر الله..وايه يعنى
احنا نحسنا
وبنشغل مشاهد الحروب واحنا بناكل..ايه يعنى دول العراق وفلسطين مش قرايبنا
كل حاجة وايه يعنى
كل حاجة من دول لها ميزة وعيب
ميزة اننا نقول وايه يعنى اننا مبنزعلش اوى..مبننصدمش اوى
وميزة قلب الطفل ان احنا لو قلبنا قلب طفل بنفرح من اقل حاجة
ممكن كمان نكون بنزعل وبنحس ونتأثر..بس مبنعرفش نفرح
ودى المصيبة الكبرى
تفتكر الحل ايه للمصيبة الكبرى
وكمان اللى قلبه قلب طفل كمان مش مبسوط
لان نفسه ميتاثرش وميزعلش من اقل حاجة
المرتاح هو اللى بيعرف ازاى يفرح..ومع ذلك من كتر الحزن مبقاش الحزن يفرق معاه
ياترى المرتاح دا موجود؟؟
انا شايفة انه موجود..ماتقولوش انى متفائلة
فعلا انا اعرف ناس كدة
كتبها نور الحياه في 09:58 مساءً ::
تصدقى ان كلامك جميل قوى وشفاف
انا كمان متفائلة
اقولك على حاجة عشان تخلصى من الحزن دة ................
الرضا يا صحبتى
ترضى فى الحزن والفرح .......... ربنا يرضى عنك
ويخفف عنك
بس احب اقولك اننا بنئدمين
بنزعل وبنفرح والعمر ماشى اما عن الحروب مسيرها تعدى ويبقى فى سلام
اضحكى وازعلى وعيشى الحياة متفكريش فى امبارح كان اية
بس افتكرية عشان تصححية
اختك سحر
كبلمك جميل بس بتعرفي احنا سرنا ما نكترث للي بيسير حولينا ليس لانه احنا ناس مهملينو غير مكترثين بس زي ما تقولي الناس من كثر مهي حزينه و قلبها مليان الم عال المشاهد اللي بيشوفوها كل يوم من حزن والم سار يعمل حاله غير مهتم و يقول حنا ما النا دخل في اللي قاعد بيسير طبعا السبب انه العين بصيره و الايد قصيره الناس في ايامنه مليانه هم و حزن و الفرح دايمن اصبح صعب و مليان بدم و الحزن مشان هيك الناس دايمن بتحاول تنسا حزنها و تبرر سكوتها و انها مش حزينه بتبريرات عمرها ما بتكون مقنعه بس في الواقع في ايامنا الكل نفسه يمر عليه يوم بدون ما يشوف حزن شكرا على الموضوع اللي بيخلي الانسان يحط ايده على الجرح تحياتي
ياأختي هي الدنيا كدااا يوم لك ويوم عليك ..
يوم عسل ويوم بصل .. الدنياااا زي مااافيهااا الحلو فيهاا الوحش كمااان ...
مافي شي كااامل والكماااال لوجه الله .. بس فينااا نكمل بعضنااا بالكلااام والتواااصل .. بالمحبة والأخلااق والشعور بالناااس التااانية .. كيف ماااتكون ظرووفهم ..
ما تزعليش ابدا في وقت للمرح وفي وقت للزعل مش كدة ياأختي
واحنا لازم نعيش حياتنا والحياة تكون شوية حزن وشوية فرح ومفيش داعي للحزن برضو انتي لساتك صغيرة ما تزعليش ابدا ..........
فرح ؟؟؟؟ يمكن يكون كلامى مختلف عن اصحاب التعليقات اللى فاتت لكن بجد انا حاسة ان مفيش فرح فى الدنيا الفرح كان زمان لما كان الواحد بيفرح انه ادى الفرض اللى عليه وكان بيفرح لما يحفظ جزء من القران وكان بيفرح لما يسمع مامته بتدعي ومكنش ممكن حاجة تزعله غير هموم الناس بيزعل علشانهم مثلا انا لما مات الشيخ احمد ياسين زعلت جدا مع انى مكنتش عارفة مين الشيخ احمد ياسين كنت تقريبا فى 5 ابتدائى لكن زعلت لان سمعت انى شخص عظيم مات وحتى لو مكنش عظيم كفاية فراقه لاهله واحبابه شئ مبكى لكن دلوقتى بنسمع الاخبار وبالالاف بيموتو لكن مش بيتحرك جوانا اى شعور لكن بنغير المحطة وزى ما قلتى كل واحد يقول هما مش تبعا خلينا فى همنا وفى رغيف العيش و الضرايب لحد ما بكرة يجى العدوان علينا
لكن فعلا مبقاش فى فرح مش بسبب الدنيا لا بسبب النفوس اتغيرت جدا عن زمان يمكن لان الحاجات دى بقت عادية يعنى الصلاة بقت عادة مبقاش حد بيحس بلذتها ولا بيفرح لانها قربت وكذلك القران مبقاش فى حد بيفرح غير لما بيتفرج على الافلام يمكن ده هو السبيل الوحيد لاننا نضحك اننا نتفرج على الافلام ونسخر من الحياة
فعلا الحياة لو مقابلتهاش بسخرية يبقى عمرك ما هتكمل فيها
كل شوية هتقع وتلاقى تفسك بترجع لنقطة الاصل كله بسبب الحزن
الحياة بقت عبارة عن جزيرة من الاحزان
معلش يا صاحبتى طلعت همومى عندك بس والله غصب عنى لما قلتى ان ممكن نلاقى المرتاح واللى بيعرف يفرح حسيت بالهم وانى افتكرت كل احزان اللى مرت عليا فى حياتى بس فى شئ عجيب عمرى ما حاولت اسرح بتفكيرى وافتكر حاجة او ذكرى كويسة
الله اعلم العيب فى حياتى ولا فيا انا ؟؟؟؟؟؟؟؟؟؟
مدونه جميله ارجوا زيارتك مدونتي