بسم الله الرحمن الرحيم
السلام عليكم و رحمة الله و بركاته
دا مش موضوع دينى بس دا دعاء
اللهم انا نعوذ بك من الهم والحزن
نبتدى فى الموضوع
مين فينا مبيزعلش من المشاكل
مين فينا مبيزعلش من غير سبب
ياترى لما بتزعل بتعمل ايه؟؟
انا لما بزعل من غير سبب ببقى عايزة اعيط واصرخ من غير ماحد يمنعنى
اكيد فيه ناس مبتزعلش من غير سبب..بس اصل سنى طبيعته فيها تقلبات نفسية
ولما بزعل بسبب مش عارفة احله
قدامى الصلاة والتعبد..ربنا احن عليا من امى
وطبعا بتبقى فرصة دهبية عشان اعيط وانا بصلى واخشع لاننا بطبيعتنا بنفتكر ربنا عند المشاكل
بحس بنوع فظيع من السكينة كانى فى الجنة..بحس بجمال الدنيا اللى انا فيها.بحس ببرودة النسيم
وعشان الموضوع ميتقلبش دينى
ممكن كمان غير العبادة اسمع موسيقى
موسيقى اللى هيا موسيقى من غير اغانى
بحب اسمع الجيتار والكمان..بيحسسونى كأن فيه حد بيواسينى..كأن العازف بيقولى الدنيا لسة فيها خير..متزعليش
كمان الجيتار بيحسسنى ان انا نايمة على رمال شاطئ هادىىى مافيهوش الا الموسيقى الهادية
وكمان بحب آلة البيانو لانها .آلة رقيقة وراقية
بالنسبى للاغانى بئا برضو بتخطر على بالى الاغانى الهادية
اما بئا لما ابقى زعلانة اوى ممكن اشغل اغانى سريعة
مش عارفة ليه الاغان بتحتل حزء من حياتنا شئنا ام ابينا
وانتم؟؟
كتبها نور الحياه في 09:36 مساءً ::
وعليكم السلام ورحمة الله وبركاتة
اللهم امين
لما بنزعل بنعيط او نقعد لوحدنا دة من رأيى
انا كمان بزعل من غير سبب ............عادى
مين احن غير ربنا علينا ........بصراحة مش هقدر اقول اكتر من اللى قولتية
اقولك لية بنسمع اغانى!!!!!!!!!
لانك فى حزنك مش بتلاقى اى حاجة تعبر على اللى جواكى غيرها
يعنى لما تحسى ان الناس وحشة .........تسمعى "فى ناس"" لعجاج
ولما يفارقك حد عزيز عليكى .......تسمعى "واحشنى يا طيب" لسليم
وهكذااااااااااااااا
ولما تفرحى بتمعى .............."الفرحة" لمنير
ولهوات الشعر لما بيزعلوا او يفرحوا ...............بيكتبوا
والعمر ماشى
فعلا رايك صح يا تويتى
وصح الصح كمان
بس انتى بقى عرفتى انا بحب اسمع ايه وانا زعلانة عشان يخفف عنى
كان كلامى لهيثم نبيل طبعا..مصدعاكى بيها
على فكرة انا احب اقول لكل قراء مدونات مكتوب ان تويتى صاحبتى جدااااا الحمد لله وليا الشرف
بيحسسونى كأن فيه حد بيواسينى..كأن العازف بيقولى الدنيا لسة فيها خير..متزعليش
نعم يا اخيه ما دام في في الدنيا ناس يتاخون في الله يبقى الدنيا لس بخير كلماتك عذبه ورقيقه مثل شقائق النعمان في بلادي. تتاثر بالريح والمطر لكنها ترفع راسها مره ثانيه
لتقول لنا الدنيا لس بخير ساتايع مدونتك لكي اطمئن على انه الدنيه لسه بخير
اخوك في الله ابو اشرف
فلسطين الجريحه
http://fat7e.ahlablog.com/
أختي في الله
كلامك جميل وفيه عقلانية ومنطقية أكبر من سنك
تحياتي لك وربنا يوفقك
وشكرا على زيارتك لمدونتي وشرفتيني ياكتكوته
بسم الله أختي في الله مرحبا بكي أول وكيف حالكي مع مغادرة فترة الشباب .
عمركي 15 سنة فهذه مرحلة الشباب مرحلة بناء الشخصية والذكريات بنوعيه أم ما مضى فهوا كانت مجرد تعلم وتدريب للمارسة الحياة جميل أن نكون مرحين وجادين في بعض الاحيان ليس صحيح أننا لا نجد من يحبنا ويحن علينا فالحب موجود وتجدينه مع الوالدين والاخوة والاصدقاء الحقيقين كلامك رائع وليس أكبر من سنك وثقافتكي جميلة
في الاخير تقبلي مني فائق التقدير والاحترام ياأختي
السلام عليكم يا حفيدتي الحبيبه
اسعدتيني بزيارتك
ما تتصوريش مدي السعاده لما عرفت انك صغنونه و قطقوطه
استمري كلامك جميل و له طعم خاص
تحياتي
هيثم نبيل تانى ؟؟؟؟؟؟؟؟؟ ههه
انا يا ستى كمان بازعل بدون سبب وبالذات فى الايام دى بازعل كل شوية واحس انى مخنوقة لانى متوترة امتحانات الثانوية عامة قربت بقى لكن لما بازعل باحاول اشوف ايه مزعلنى واصلحه مثلا زعلانة لانى زعلت امى باحاول اصالحها لكن بصراحة مش دايما
لو زعلانة لانى خايفة من الامتحانات باقول طيب ما تعيشى الواقع يا بت وتروحى تذاكرى بدل انك تفضلى خايفة قبل الامتحان ووانتى فى اللجنة خايفة ولما تخلصى الامتحان خايفة من النتيجة ولما تظهر النتيجة وتجيبى مجموع وحش بعد الشر تقولى يا ريتنى ذاكرت وبطلت دلع
اما بقى لو زعلانه علشان فراق شخص عزيز ده اللى مش بيكون ليه حل الا انى ابكى
بس لما بازعل من غير سبب مش باقدر اطلع نفسى من الحزن باحس انى عاوزة ازعل اكتر
بجد مش هزار ساعات كتير باحس انى باحب الحزن انا اصلا نكدية بطبعى
لكن كتر حاجة ممكن تخلى الواحد بيعد عن نفسه الحزن طبعا بعد الصلاة والدعاء انك تمسكى ورقة وتكتبى فيها كل اللى مزعلك وكل همومك تطلعيها على الورقة ولما تخلصى ترجعى تقرى الورقة تانى هتحسى انها حاجات سهلة يعنى مش مستاهلة الحزن بجد لما تقرى الاحزان اسهل من انك تفكرى فيها وبيتهون عليكى كل حاجة
جربيها ومش هتندمى
زى الاعلانات بقى اذا لم تعجبك السلعة رجعها ... بس ملكش فلوس معانا
ههه باهزر
بس كفاية هيثم نبيل بقى لو كنت مكانك كان زمانى زهقت من اغانيه نفسى تزهقى بقى
كلامك واقعي وبسيط جزاك الله خيرا
جزاك الله خيررررررررررررا
بسم الله الرحمن الرحيم
كلامك جميل بجد قرات منه لغايه ما تعبت و بكره هكمل
تسلم ايدك اسلوبك حلو مع انه شويه ابتسامه امل و شويه بحس بان بكره مش جى
على العموم ربنا يوفقك يا رب فى حياتك
n
انتى فراشة رقيقة جدا
كلامك حلو اوى اوى و بجد بحس انة نابع من جواكى
من جوا طفلة جميلة و رقيقة احلامها جميلة
انا مش عارفة اقوللك اية غير خليكى كدا انت كدا شمس بجد